ନୂଆପଡ଼ା ବଞ୍ଜରି ମଣ୍ଡଳରେ ନିର୍ବାଚନୀ ସଭା — ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଆହ୍ୱାନ: “ଜୟ ଢୋଲକିଆଙ୍କୁ ଭୋଟ ଦେଇ ନୂଆପଡ଼ାର ପ୍ରଗତିକୁ ଆଗେଇ ନେଉନ୍ତୁ”

ନୂଆପଡ଼ା ଜିଲ୍ଲାର ବଞ୍ଜରି ମଣ୍ଡଳ ମାନିଗୁଡା ପଞ୍ଚାୟତରେ ଆଜି ଭାରତୀୟ ଜନତା ପାର୍ଟିର ନିର୍ବାଚନୀ ସଭା ଅନୁଷ୍ଠିତ ହେଲା। ଆସନ୍ତା ୧୧ ନଭେମ୍ବର ରେ ହେବାକୁ ଥିବା ନୂଆପଡ଼ା ବିଧାନସଭା ଉପନିର୍ବାଚନ ପୂର୍ବରୁ ଏହି ସଭା ଉତ୍ସାହପୂର୍ଣ୍ଣ ପରିବେଶରେ ହୋଇଥିଲା।

ଓଡ଼ିଶା ସରକାରଙ୍କ ଗଣ ଶିକ୍ଷା ଓ ଆଦିବାସୀ କଲ୍ୟାଣ ମନ୍ତ୍ରୀ ଶ୍ରୀ ନିତ୍ୟାନନ୍ଦ ଗଣ୍ଡ ଏହି ଅବସରରେ ଉପସ୍ଥିତ ହୋଇ ଜନସାଧାରଣଙ୍କୁ ଆହ୍ୱାନ କଲେ ଯେ, “ଭାରତୀୟ ଜନତା ପାର୍ଟିର ପ୍ରାର୍ଥୀ ଶ୍ରୀ ଜୟ ଢୋଲକିଆଙ୍କୁ ଭୋଟ ଦେଇ ନୂଆପଡ଼ାର ପ୍ରଗତି ଓ ଉନ୍ନତିରେ ଭାଗ ହେବା।”

ସେ ଆହୁରି କହିଛନ୍ତି ଯେ ଏହି ନିର୍ବାଚନ ହେଉଛି ଜନତାଙ୍କ ସ୍ୱରକୁ ସୁଦୃଢ କରିବାର ଅବସର। “ଜନତାଙ୍କ ସାଥୀ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ହାତକୁ ଶକ୍ତି ଦେଇ ନୂଆପଡ଼ାର ଅଭିବୃଦ୍ଧିକୁ ନିଶ୍ଚିତ କରିବା ଆମ ସମସ୍ତଙ୍କ ଦାୟିତ୍ୱ,” ବୋଲି ଶ୍ରୀ ଗଣ୍ଡ କହିଛନ୍ତି।

ସଭାରେ ମନ୍ତ୍ରୀ ଗଣ୍ଡ ଜନସାଧାରଣ ସହ ଆଲୋଚନା କରି ନୂଆପଡ଼ାର ଭବିଷ୍ୟତ ପାଇଁ ବିଜେପିର ଦୃଢ଼ ସଂକଳ୍ପ ଓ ଯୋଜନା ବିଷୟରେ ଅବଗତ କରାଇଛନ୍ତି। ସେ ଦୃଢ଼ ସ୍ୱରରେ କହିଛନ୍ତି — “ଏହି ନିର୍ବାଚନରେ ଆମର ବିଜୟ ନିଶ୍ଚିତ, ଏବଂ ନୂଆପଡ଼ା ଉନ୍ନତିର ନୂଆ ଅଧ୍ୟାୟ ଆରମ୍ଭ ହେବ।”